MAHMUD KAMALOĞLU (1954)

MAHMUD KAMALOĞLU (1954) Mahmud Kamal oğlu Hacıxəlilov - 1954-cü il aprelin-5-də qədim Borçalı mahalında - indiki Gürcüstan Respublikasının
Marneuli rayonundakı Keşəli kəndində anadan olub.

Səkkizillik məktəbi doğma Keşəli kəndində, orta məktəbi qonşu Kəpənəkçi kəndində bitirib.

1971-1975-ci illərdə A.S.Puşkin adına Tbilisi Dövlət Pedaqoji İnstitutunun Azərbaycan bölməsinin filologiya fakültəsini bitirib.
Elə həmin ildən “Sovet Gürcüstanı” qəzetində ştatdankənar müxbir kimi əmək fəaliyyətinə başlayıb. Həmin illərdə parallel olaraq, Keşəli orta məktəbində müəllim işləyib.
1984-cü ildən daimi olaraq, “Sovet Gürcüstanı” qəzetinə keçib, əvvəlcə korrektor, daha sonra idman, gənclərlə kütləvi iş bölməsinin rəhbəri vəzifəsində 1990-cı ilədək çalışıb.

M.Kamaloğlu 1990-1991-ci ildə Tiflis Bazar İqtisadiyyatı və Hüquq Universitetində dekan, 1992-ci ildə Kvemo-Kartli Müstəqil Universitetində tədris və elmi işlər üzrə prorektor, 1998-ci ildən 2007-ci ilədək İ.Cavaxişvili adına Tiflis Dövlət Universitetinin Marneuli filialında yenə də həmin vəzifədə, yəni tədris və elmi işlər üzrə prorektor vəzifəsində çalışıb.

2008-ci ildən Ukrayna-Gürcüstan Beynəlxalq Universitetinin tədris işləri üzrə prorektorudur.

1989-cu ildə filologiya elmləri namizədi alimlik dərəcəsi alıb.

2005-ci ildə İ.Cavaxişvili adına TDU-nun professoru seçilib.

M.Kamaloğlu hələ tələbəlik illərindən “Sovet Gürcüstanı”, “Axali Marneuli” qəzetlərində publisistik məqalələrlə çıxış edib.
Müxbir kimi fəaliyyətə başlayandan sonra onun “Azərbaycan”“Kirpi” jurnallarında məqalə və felyetonlatı çap olunub.
M.Kamaloğlu indiyədək 10 kitabın müəllifi dir.
O, bir çox xarici ölkələrdə təşkil olunan elmi konfranslar və simpoziumlarda elmi məruzələrlə çıxış edib.

ZiM.Az


.
© Müəllif hüquqları qorunur. Məlumatdan istifadə etdikdə istinad mütləqdir.
Rəy yazın: