"PROFESSOR MƏDƏD ÇOBANOV ADINA XEYRİYYƏ FONDU"

XEYİRLİ OLSUN!..

“Professor
Mədəd Çobanov
adına
XEY­RİY­YƏ FON­DU” -

2017-ci il oktyabrın 16-da
görkəmli elm xadimi,
məşhur Azərbay­can ali­mi,
tanınmış dilçi-türkoloq,
təcrübəli ali təhsil işçisi,
zəh­mət­keş tədqiqatçı,
Nyu-York Elmlər
Akade­mi­yasının
akademiki,
uzun müddət
Azər­bay­can Ali Hərbi
Dənizçilik Məktə­bin­də
"Dil­lər" kafedrasının
müdiri və Azər­­baycan Res­publikasının Prezidenti yanında
Ali Attes­ta­siya Komissiyasının Ekspert Şura­sının üzvü olmuş
filologiya elmləri doktoru, professor Mədəd Namaz oğlu Çobano­vun
anadan olma­sının 80 illik yubileyi şərəfinə təsis olunub.

Azərbaycan Respublikası “Təhsil” Mərkəzinin - “XXI Əsrin Ziyalıları” MMC, “Vetenim.info” MMC,
"Şərqin səsi" qəzeti, “Ziya” (ZiM.Az) və “Zirvə” (Zirve.info) İnformasiya Mərkəzlərinin birgə təşəbbüsü və təşkilat­çılığı ilə Gürcüstanda yaşayan soy­daş­larımıza, xüsusilə də yaradıcı gənclərə, tələbə və şagirdlərə
maddi və mənəvi yardım gös­tərmək məqsədilə təsis olunan Fondun elə ilk iclasında

Fondun Fəxri sədri - Nəsimi adına Dilçilik İnstitutunun direktoru,
akademik Möhsün Nağısoylu,

Fondun Mükafat Komitəsinin sədri - Azərbaycanda Atatürk Mərkəzinin rəhbəri,
Millət vəkili, akademik Nizami Cəfərov,

Fondun Təqaüd Komitəsinin sədri - Azərbaycan Dövlət Pedaqoji Universitetinin
filologiya fakültəsinin dekanı, filologiya elmləri doktoru,
professor Buludxan Xəlilov,

Fondun icraçı direktoru - "Ziya" qəzetinin və "ZiM.Az" saytının rəhbəri
Dr. Müşfiq Borçalı seçilib.

Fondun elə həmin gün keçirilmiş ilk iclasında qərara alınıb ki, yaxın və qısa bir müddətdə
işçi qrupu tərəfindən Fondun Nizamnaməsi, Əsasnaməsi, strukturu, gələcək fəaliyyət Proqramı və s.
hazırlanıb müzakirəyə təqdim olunsun.

İlk iclasda o da qərara alınıb ki, Gürcüstanda yaşayan soydaşlarımızın milli kadrlara olan
ehtiyaclarını qismən də olsa ödəmək məqsədilə ali məktəblərdə, xüsusilə də, vaxtilə Mədəd Çoba­novun
ali təhsil aldığı və sonralar uzun müddət müəllim, dosent və professor vəzifələrində çalışdığı -
indiki İlya adına Tbilisi Dövlət Unuversitetində (keçmiş A.S.Puşkin adına, sonralar S.S.Orbeliani adına
Tbilisi Dövlət Pedaqoji Universitetində), eləcə də Bakı Dövlət Universitetində, Azərbaycan Dövlət
Pedaqoji Universitetində və digər ali müəssisələrində təhsil alan 5 nəfər tələbəyə
“Professor Mədəd Çobanov adına Təqaüd”,
vaxtilə Mədəd Çobanovun təhsil aldığı və ilk pedaqoji fəaliyyətə baş­ladığı
Bolnisi rayonundakı Darvaz kənd orta məktəbində oxuyan 5 nəfər şagirdə isə
“Professor Mədəd Çobanov adına Mükafat” verilsin.

Həmçinin, Gürcüstanda fəaliyyət göstərən Azərbaycan dilli orta məktəblərə,
Mədəniyyət Mər­kəzlərinə, mətbuat orqanlarına, yaradıcı təşkilatlara yardım etmək,
Gürcüstanda yaşayan ziyalılarımızın, yaradıcı soydaşlarımızın yubi­leylərini keçirmək,
onları mükafatlandırmaq, “Ən yaxşı müəllim”, “Ən yaxşı mədəniyyət işçisi”,
“Ən yaxşı jurnalist”, "Ən yaxşı ictimai xadim" və s. müsabiqələri keçirmək,
qalibləri “Professor Mədəd Çobanov adına Fəx­ri diplom”la mükafatlandırmaq,
Azərbaycan-gürcü ədəbi əlaqələrinin inkişafına maddi və mənəvi dəstək vermək,
şair və yazıçıların əsərlərindən ibarət kitablar, alma­nax və məc­muə­lər çap etmək,
ULU BORÇALImızdakı, eləcə də Gürcüstandakı bu və ya digər QƏDİM kənd­lərimizlə,
el-obalarımızla, bir sözlə, toponimlərimizlə, həmçinin bu bölgənin məşhur ziyalıları ilə bağlı
Ensiklopedik xarakterli kitablar hazırlayıb nəşr etmək və s. nəzərdə tutulsun.

Qeyd edək ki, professor Mədəd Çobanovun anadan olmasının 80 illik yubileyi
Bakıda, Tiflis­də, Borçalıda - Marneulidə və Bolnisidə yüksək səviyyədə qeyd olunub.
Tez-tez doğma Borçalıya baş çəkən yubilyar, bu yaxınlarda Bolnisi rayonunda olub,
vaxtilə dünyaya göz açdığı və ilk orta təh­sil aldığı Darvaz kəndindəki ictimai məktəbdə
müəllim və şagirdlərlə görüşüb, onlara müəllifi oldu­ğu çoxsaylı kitablarını, eləcə də,
müəllimlər üçün vəsaitlər, şagirdlər üçün məktəbli ləva­zimatları və s. hədiyyə edib.

Professor Mədəd Çobanov görüş zamanı bildirib ki, doğma məktəbinə xeyriyyə tədbirləri
bundan sonra da müntəzəm olaraq davam edəcək.


2017-ci il dekabrın 26-da
“Professor Mədəd Çobanov adına XEY­RİY­YƏ FON­DU”nun
ikinci iclası keçirilib.

İclasda qərara alınıb ki,



Elə həmin iclasda o da qərara alınıb ki, Borçalı və Borçalıların təbliğində
xüsusi xidmətlərinə görə bir qrup şəxs, o cümlədən,



Eyni zamanda, “Professor Mədəd Çobanov adına Xeyriyyə Fondu”nun Təqaüd Komitəsi
qərara alıb ki, ötən iclasda 5 nəfər tələbəyə təqaüdün verilməsi nəzərdə tutulsa da,
müraciətlərin çoxluğunu nəzərə alaraq, onların sayı artırılsın və 10 nəfər tələbə, o cümlədən,




Fondun İcra Aparatına tapşırılıb ki, yaxın zamanda Fəxri Fərmanlar, Fəxri Diplomlar,
Pul Mükafatları və Fəxri Təqaüdlər sahiblərinə çatdırılsın.

Növbəti mükafatlandırma mərasminin Novruz Bayramı ərəfəsində keçirilməsi nəzərdə tutulsun.

İclasda bir sıra təşkilati məsələlərə də baxılıb.

Fondun ayrı-ayrı Komitələrinə sədrlər və müxtəlif bölgələr üzrə nümayəndəliklərin rəhbərləri seçilib.

O cümlədən,

Azərbaycanın Əməkdar mədəniyyət işçisi Musa Nəbioğlu - Mədəniyyət məsələri üzrə müşavir,
Mədəniyyət Komitəsinin Sədri,

Gürcüstan Ədəbiyyat Akademiyyasının akademiki, filologiya elmləri doktoru,
professor Şurəddin Məmmədli Türkiyə Respublikasındakı nümayəndəliyin rəhbəri,

Professor Cengiz Alyılmaz - Türkiyənin Atatürk Universitetindəki nümayəndəliyin rəhbəri,

tanınmış iş adamı Hafiz Şabanov - Polşa Respublikasındakı nümayəndəliyin rəhbəri,

Ukrayna Avropa Universitetinin Gürcüstan filialının rektoru, Cumber Lejava adına çoxprofilli Beynəlxalq Elmlər Akademiyasının akademiki, Fazis Elmlər Akademiyasının, Gürcüstan Sosial Elmlər Akademiyasının akademiki, professor Alı Musayev - Gürcüstanın Tiflis bölgəsi üzrə nümayəndəliyin rəhbəri,

Tiflisdə nəşr olunan «Sözün işığı» ictimai, mədəni qəzetin baş redaktoru,
Gürcüstan Yazıçıları Milli Akademiyasının və Azərbaycan Yazıçılar Birliyinin üzvü -
Əziz Dəlivəlli - Gürcüstanın Rustavi bölgəsi üzrə nümayəndəliyin rəhbəri,

Dmanisi rayon icra hakimiyyəti başçısının müavini Arif Süleymanov - Gürcüstanın Başkeçid bölgəsi üzrə nümayəndəliyinin rəhbəri,

Bolnisi Azərbaycanlılarının Mədəniyyət Mərkəzinin rəhbəri və "Ümid" qəzetinin baş redaktoru
Əlixan Yəhyaoğlu - Bolnisi bölgəsi üzrə nümayəndəliyin rəhbəri,

professor Novruz Bayramov Marneuli bölgəsi üzrə nümayəndəliyin rəhbəri,

jurnalist Nadir Almazoğlu - Qarayazı bölgəsi üzrə nümayəndəliyin rəhbəri,

el ağsaqqalı Ağabalı Xeyirxəbərov - Qaraçöp bölgəsi üzrə nümayəndəliyin rəhbəri,

şair Yunis Novruz - Qabal bölgəsi üzrə nümayəndəliyin rəhbəri,

qocaman maarif işçisi Əziz Abbasov - Qaracalar bölgəsi üzrə nümayəndəliyin rəhbəri,
Akif Əsgərov isə onun müavini;

yazıçı-tərcüməçi Cambul Məmmədli - Kaspi-Msxeta bölgəsi üzrə nümayəndəliyin rəhbəri,

"Qafqaz-Media" İB-nin sədri Azadə Taleh Abbasqızı - QHT-lərlə iş şöbəsinin müdiri,

İlhamə Məhəmmədqızı - Sumqayıt şəhərindəki nümayəndəliyin rəhbəri,

Elşad Çobanlı - Gənclərlə iş şöbəsinin müdiri

təsdiq olunublar.

Qərara alınıb ki, gələcəkdə Fondun MDB, Rusiya, Moskva, Peterburq, Tümen, Ukrayna,
Orta Asiya, Çənubi Azərbaycan, Kərkük və s. bölgələrdə də nümayəndəlikləri, eləcə də
Elm, Təhsil, Hüquq, Ədəbiyyat və İncəsənət Komitələri, Qadınlar və Gənclər Şuraları,
Poeziya, Nəsr, Publisistika, Dramaturgiya, Ədəbiyyatşünaslıq, Ədəbi tənqid, Ədəbi Əlaqələr və
Bədii tərcümə şöbələri yaradılsın, Fondun nəzdində "Qara Arxac" adlı Elmi-publisistik məcmuə,
çoxcildli "Zirvə" Poeziya antologiyası, "Yeni nəfəs" Nəsr antologiyası,
"Quyu Bulaq" adlı - gənc yazarların yaradıcılığından ibarət ədəbi-bədii toplu və s. nəşr olunsun.


REDAKSİYADAN:



ZiM.Az


.