"Sazlı-Sözlü Borçalı" Ədəbi Məclisinin nöbəti səkkizinci toplantısı
2018-ci il noyabrın 11-də
Bakının Bakıxanov qəsəbəsindəki
“Gülüstan” restoranında keçirilib.
ZiM.Az xəbər verir ki, 30-nəfərə yaxın saz-söz adamının iştirak etdiyi tədbirə tanınmış şair Sədi Yaradanqulu aparıcılıq edib.
O, əvvəlcə məclis üzlərini, qonaqları, bir sözlə bütün tədbir iştirakçılarını salamlayıb, tədbiri giriş sözü ilə açıq elan edib, tədbirin qədim Borçalı mahalında yaşayıb-yaratmış Şair Nəbi Faxralının həyat yaradıcılığına həsr olunduğunu bildirib, mərhum şairin mənalı ömür yolu haqqında qısa məllumatı diqqətə çatdırıb və sözü Faxralı elinin sayılıb-seçilən ağsaqqallarından olan Eldar Məmmədliyə
söz verib.
Eldar məllim də məclisi həm öz adından, həm də qardaşı - tanınmış folklorşünas alim, filologiya elmlər namizədi, Azərbaycanın Əməkdər Mədəniyyət işcisi, Azərbaycan Aşıqlar Birliyinin İdarə Heyətinin üzvü Elxan Məmmədlinin adından salamlayıb, təbrik edib, ürək sözlərini söyləyib, yeni-yeni uğurlar arzulayıb, Elxan müəllimin Borçalıda ezamiyyətdə olduğundan tədbirə gələ bilmədiyinin bildirib və Şair Nəbi Faxralının yaradıcılığı haqqında məclis iştirakçılarına geniş məllumat verib.
Sonra söz Çəlilabad rayonunda yaşayan, məclisin daimi üzvü olan Tarix Vüsallıya verilib. O da Şair Nəbi yaradıcılığına böyük qiymət verib, şairin şeirlərindən nümunələr oxuyub.
Növbəti söz gənc aşıq Kənan Gülməmmədova verilib. O, “Ruhani” havası üstə şairin şeirini söyləyib.
Sonra “Professor Mədəd Çobanov adına Xeyriyyə Fondu”nun icraçı direktoru, “Borçalı” Nəşriyyat-Poliqrafiya Mərkəzinin və "ZiM.Az" saytının rəhbəri Müşfiq Borçalının naşirliyi və xeyriyyəçilıyı işıq üzü görmüş
“Sazlı-Sözlü Borçalı” Ədəbi məcmuəsinin
ilk sayının təntənəli təqdimatı keçirilib və
məcmuə məclis üzvlərinə hədiyyə olaraq
paylanılıb.
Qeyd edək ki, Rahilə Qaralovanın tərtib etdiyi və Sədi Yaradanqulunun redaktorluğu ilə araya-ərsəyə gələn məcmuədə məclisin
ilk altı toplantısı haqqında məlumat, eləcə də,
18 nəfər fəal iştirakçının tərcümeyi-halları və
şeirləri verilib (№1 (2018)).
Məcmüə böyük maraqla qarşılanıb, tədbir iştirakçıları tərəfindən bəyənilib və yüksək dəyərləndirilib.
Sonra noyabr ayında anadan olan
məclis üzvlərindən - Rahilə Qaralovanın,
Qulu İsmayılovun, Məhəmməd Xəyalın
və Qəzənfər Məsimoğlunun ad günləri
təbrik edilib.
Daha sonra gənc aşıq və gözəl şairə
Ayşə Səyyadqızının müşaiyyəti ilə iştirakçılar növbə ilə Şair Nəbinin və
eləcə də özlərinin şeirlərindən nümunələr oxuyublar.
Məclisə əslən Borçalı mahalından olan
Hüseyn Faxralı, İlyas Əfəndi Vəfalı,
Rəşid Hacılar, Rahilə Qaralova,
Murtuz Fərhadoğlu, Ramiz Məmmədov,
Təbriz İman və başqaları ilə yanaşı,
Azərbaycanın müxtəlif bölgələrindən olan qələm dostlarımız da qoşulublar. Onlardan: - əslən Qazax elindən olan gözəl qələm sahibi və təcnislər müəllifi, tanınmış şair
Elbrus Qəmgin, Minarə xanım Sığnaqlı,
Sədaqət Şıxlı, Zemfira Ayvazova,
Şölə Səfərəliyeva, Rəfiqə Qasımqızı,
Zərifə Sufi, Əfşan Yusifqızı,
Xavər xanım, Adil Cəfakeş,
Surxay Hatəm və başqalarının da
şeirləri dillənib.
Məclisin sonunda Sədi Yaradanqulu Şair Nəbinin “Çox şükür” divanisini oxuyub, məclisə yekun vurub və məclisin növbəti yığıncağını 2018-ci il dekabrın 9-da bu məkanda geçiriləcəyi və mövzu Aşıq Şəmşirin yaradıcılığına həsr olunacağını elan edib.
Sonda xatirə şəkilləri çəkdirilib.
Sədi Yaradanqulu,
ZiM.Az
.
© Müəllif hüquqları qorunur. Məlumatdan istifadə etdikdə istinad mütləqdir.
