Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib

Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Azərbaycan Silahlı Qüvvələrinin şəhid olan hərbi qulluqçusu doğulduğu Bolnisi rayonunda dəfn edilib Bu gün - 2015-ci il sentyabrın 29-da qədim Borçalı mahalənda - indiki Gürcüstanda azərbaycanlıların kompakt yaşadığı Bolnisi rayonunun Zol-Güvəc kəndində Azərbaycan Silahlı Qüvvələrinin hərbi qulluqçusu, sentyabrın 25-də qoşunların təmas xəttində düşmənin Azərbaycan mövqelərinə basqın etməyə cəhd göstərməsi nəticəsində qəhrəmancasına şəhid olan 23 yaşlı Elşən Vaqif oğlu Məmmədovun dəfn mərasimi keçirilib.

ZiM.Az xəbər verir ki, əslən Bolnisinin Zol-Güvəc kəndindən olan şəhid Elşən Məmmədovun dəfn mərasimində Azərbaycanın Gürcüstandakı səfirliyinin nümayəndələri, Qafqaz Müsəlmanları İdarəsinin Gürcüstan nümayəndəliyinin rəhbəri Hacı Əli Əliyev, Gürcüstan Müsəlmanları İdarəsinin şeyxi Hacı Ramin İgidov, ziyalılar, jurnalistlər və kənd sakinləri iştirak ediblər.

Azərbaycanın Gürcüstandakı səfirliyinin hərbi attaşesi, polkovnik Xəzər Abbasov Azərbaycan Müdafiə Nazirliyi adından başsağlığı verib.

Din xadimləri şəhid E.Məmmədovun ruhuna “Quran” ayələri və dualar oxuyublar.

Şəhid Elşən Məmmədov anadan olduğu Zol-Güvəc kəndinin qəbiristanlığında torpağa tapşırılıb.

Şəhidin atası, Bolnisinin Zol-Güvəc kəndində yaşayan Vaqif Məmmədov ZiM.Az-ya açıqlamasında oğlunun əsgəri xidməti başa vurmasına cəmi 5-cə gün qaldığını bildirib:
“Elşən 659 balla daxil olduğu İqtisad Universitetini keçən il bitirmişdi. Əsgəri xidmətə yola düşəndə anasına demişdi ki, bu yolda ölüm-itim var, şəhid olmaq var. Xidmət etdiyi hissənin komandirləri ondan həmişə razı idilər. Mən dəfələrlə Elşənin görüşünə getmişdim. Qurban bayramı günlərində mənə zəng vurub bayramımızı da təbrik etmişdi. Sentyabrın 25-də isə zəngi gəldi və dedilər ki, oğlunuz şəhid olub. Allah cəmi şəhidlərə rəhmət eləsin, Vətən sağ olsun".

Xatırladaq ki, Məmmədov Elşən Vaqif oğlu 3 iyul 1992-ci ildə qədim Borçalı mahalında - indiki Gürcüstanın Bolinisi rayonunda doğulub. Bakı şəhərindəki 115 saylı orta məktəbi bitirib. 2010-cu ildə 659 balla Azərbaycan Dövlət İqtisad Universitetinin (UNEC-in) Kommersiya fakültəsinə daxil olub. 2014-cü ildə ali təhsilini başa vurub hərbi xidmətə yollanıb. 25 sentyabr 2015-ci ildə cəbhənin Tərtər rayonu ərazisində qoşunların təmas xəttində döyüş növbətçiliyinə çıxan E.Məmmədov posta çıxdıqdan bir neçə dəqiqə sonra düşmənin Azərbaycan mövqelərinə basqın etməyə cəhd göstərməsi nəticəsində düşmən gülləsinə tuş gəlib və qəhrəmancasına şəhid olub. Şəhid olarkən hərbi xidmətini başa vurmasına 5 gün qalmışdı.

Elşən Məmmədov Gürcüstanın Bolnisi rayonundakı Zol Göyəc kəndində dəfn olunub.

Ruhun şad olsun, igid qardaşımız Elşən Məmmədov!..


Müşfiq BORÇALI,
ZiM.Az



.
© Müəllif hüquqları qorunur. Məlumatdan istifadə etdikdə istinad mütləqdir.
Rəy yazın: