Necə unutqan oldunuz?!- Saakaşvili İlham Əliyevin xeyirxahlığın xatırlatdı

Necə unutqan oldunuz?!- Saakaşvili İlham Əliyevin xeyirxahlığın xatırlatdı Mixeil SAAKAŞVİLİ: "2005-ci ildə "Qazprom" boğazımızdan yapışarkən, dadımıza Azərbaycan çatdı."

"Gürcüstanın sabiq baş naziri Bidzina İvanişvili Rusiyanın "Qazprom" Şirkəti haqqında yalan danışmaqda davam edir".

"APA-Economics" xəbər verir ki, bu barədə Gürcüstanın sabiq prezidenti, hazırda Ukraynanın Odessa vilayətinin qubernatoru olan Mixeil Saakaşvili "Rustavi 2" telekanalına müsahibəsində deyib.

"O iddia edir ki, Rusiyanın "Qazprom" şirkətinin səhmdarı deyil. Amma hamımız bilirik ki, o, "Qazprom"un əsas səhmdarlarından biridir. Bununla bağlı, İsveçrədə xüsusi hesabat açıqlanıb. Amma o hamını aldatmaqda davam edirdi. "Qazprom"un səhmdarı isə birbaşa olaraq Kremldən göstəriş alır. Belə olmasaydı, Rusiya KQB-si onu səhmdar olmağa imkan verməzdi", - deyə sabiq prezident bildirib.

Bundan sonra, M.Saakaşvili "Qazprom"un 2005-ci ildə Gürcüstana qaz nəqlini dayandırmasını xatırladıb:
"Necə unutqan oldunuz?! 2005-ci ildə "Qazprom" boğazımızdan yapışarkən, dadımıza Azərbaycan çatdı. Azərbaycan öz əhalisinin yarısını qazsız qoyub, bizi qızdırdı. Ardınca biz Azərbaycanla müqavilə imzaladıq. Müqaviləyə əsasən, biz az qala dünyanın ən ucuz qazını alırıq. Bundan sonra yenə ölkəmizi dağıdanlarla işbirliyinə başlandı.
Bundan sonra Azərbaycan bizim haqqımızda nə düşünməlidir?
Bizim naşükür xalq olmağımızı?
Lakin xalq yox, rəhbərlik naşükürdür!.."
© Müəllif hüquqları qorunur. Məlumatdan istifadə etdikdə istinad mütləqdir.
Rəy yazın: