Pakistanlı tələbə Muhammed Nayyem: "Biz də Onu öz liderimiz hesab edirik.

Pakistanlı tələbə Muhammed Nayyem: "Biz də Onu öz liderimiz hesab edirik.Pakistanlı tələbə Muhammed Nayyem: "Biz də Onu öz liderimiz hesab edirik. Pakistanlı tələbə Muhammed Nayyem: "Biz də Onu öz liderimiz hesab edirik. Ulu öndər Heydər Əliyevin anadan olmasının 94-cü ildönümü münasibəti ilə Azərbaycan Texniki Universitetində (AzTU) xarici tələbələrlə görüş keçirilib.

Universitetin Heydər Əliyev Mərkəzində keçirilən görüşdə AzTU-nun prorektoru
İsa Xəlilov
Ulu Öndərlə bağlı tələbələrə geniş məlumat verib. Prorektor bildirib ki, görkəmli dövlət xadimi, dünyamiqyaslı siyasətçi, Azərbaycan Milli dövlətçiliyini böyük təhlükələrdən xilas edib qoruyan və inkişaf etdirən Heydər Əliyevin həyat və fəaliyyəti müasir tariximizin ən mühüm və şərəfli mərhələsini təşkil edir.

Prorektor xarici tələbələrə Ulu Öndərin təhsilə, mədəniyyətə, səhiyyə və digər sahələrə xüsusi diqqət göstərdiyini deyərək qeyd edib ki, bir vaxtlar AzTU-nun gücləndirilməsi və maddi-texniki bazasının formalaşdırılması da bilavasitə Heydər Əliyevin sayəsində mümkün olub. O, tələbələrə Ulu Öndərin 1981-ci ildə Azərbaycan Texniki Universitetinə gəlişini, universitetin professor-müəllim heyəti ilə görüşünü əks etdirən foto guşəni göstərərək Ümummilli liderin AzTU ilə bağlı bir sıra ciddi problemlərin həlli üçün elə yerindəcə verdiyi göstərişlər haqqında danışıb.

Daha sonra xarici tələbələr Mərkəzdəki müxtəlif foto guşələrlə tanış olublar. Görüşdə tələbələr də Ulu Öndərlə bağlı öz təəssüratlarını bölüşüblər. Tələbələrdən bəziləri Heydər Əliyevi Azərbaycan üçün yeganə xilaskar, bəziləri əvəzolunmaz dahi şəxsiyyət, bəziləri isə böyük siyasətçi, vətənpərvər lider olduğunu deyib.
Söhbət zamanı universitetin pakistanlı tələbələrindən biri Muhammed Nayyem Heydər Əliyevin Pakistan-Azərbaycan əlaqələrinin inkişafında göstərdiyi xidmətləri yada salaraq deyib ki, biz də Onu öz liderimiz hesab edirik.

Mərkəzdə Ulu Öndərin həyat və fəaliyyəti ilə tanış olan xarici tələbələr öz aralarında qərara gəliblər ki, Heydər Əliyev haqqında hər biri öz ana dilində video çarx hazırlasın. Tələbələr bu yolla Ulu Öndərin xalqının firavanlığı və bəşəri ideyaların inkişafı üçün göstərdiyi xidmətlər haqqında öz həmyerlilərinə məlumat vermək niyyətindədir.

ZiM.Az

.
© Müəllif hüquqları qorunur. Məlumatdan istifadə etdikdə istinad mütləqdir.
Rəy yazın: