Azərbaycan Texniki Universitetinin (AzTU) prorektorları, dekanları, kafedra müdirləri, müvafiq struktur bölmələrinin rəhbərləri və professor-müəllim heyətinin iştirakı ilə Erasmus+ proqramı çərçivəsində ali təhsildə potensialın gücləndirilməsi profili üzrə (2021-2027) onlayn məlumatlandırma sessiyası keçirilb. İştirakçıları salamlayan AzTU-nun beynəlxalq əlaqələr üzrə prorektoru Sübhan Namazov Erasmus+ proqramının əhəmiyyəti və ali təhsil müəssisələri üçün faydaları barədə məlumat verib.
Xarici əlaqələr şöbəsinin müdiri Orxan Vətənxah proqramın ümumi istiqamətləri, həmçinin Erasmus+ KA1 (ali təhsildə mobillik) və Erasmus+ KA2 (ali təhsildə potensialın gücləndirilməsi) haqqında geniş təqdimatla çıxış edib.
Daha sonra professor-müəllim heyətinin sualları cavablandırılıb, onlara yeni layihə təklifinin yazılması üzrə müvafiq dəstəyin göstərilməsi üçün davamlı tədbirlərin keçiriləcəyi bildirilib.
ZiM.Az
.
© Müəllif hüquqları qorunur. Məlumatdan istifadə etdikdə istinad mütləqdir.
