Tələbə sözü: "Əzmlə çalışacağam!..."

Artıq I kursun 2-ci yarım ili başa çatdı.
Dərslər qurtardı. İmtahanlar başladı...
Bizim 1-ci imtahanımız “İqtisadiyyat” fənnindən idi. Bu dərsi deyən Axilles müəllim idi. İmtahan vaxtı müəllim bizə:
-Kimin özünə inamı varsa, o birinci gəlsin, bilet çəkib danışsın, - daha sonra mənə baxaraq: - Elə səndən başlasaq yaxşı olar, - dedi.
Mən gəlib bilet çəkdim, danışdım, müəllimin suallarını da cavablandırdım. Müəllim məndən çox razı qaldı və dedi:
- Halal olsun sənə, çox savadlı qızsan.
2-ci imtahan “Ehtimal nəzəriyyəsi”ndən idi. Bu fəndən imtahan götürən Mənsur müəllim idi. Ondan qiymət almaq heçdə asan deyildi. O qiymət kəsən müəllim deyil, amma heç artıq qiymət verən müəllim də deyil. Mənsur müəllim çox savadlı, savadlı olduğu qədər də tələbkar müəllimdi. Onun biliyini tələbəyə çatdırmaq qabiliyyəti də çox güclüdü. O hər bir mövzunu tələbəyə çox asan, ətraflı və sadə üsulla başa salır. Müəllim dərs keçərkən uşaqlar çox diqqətlə və çox maraqla qulaq asırlar. Bu da müəllimin izah elədiyi mövzuya və ən başlıcası isə öz fənninə qarşı güclü maraq yaratmasından asılıdır. Mən bir az haşiyyədən kənara çıxaraq demək istəyirəm ki, bizə dərs deyən hər bir müəllimlərin ümumi, ortaq cəhəti var. Onlardan hər biri, ilk dərs günü bizə deyirlər ki:
- Kim nəyi baş düşməsə, çəkinməsin, soruşsun. Mən sizin başa düşmədiyiniz mövzunu, siz öyrənənə qədər, öyrətməyə hazıram. Yetər ki, sizdə öyrənmək həvəsi olsun.
Doğrudan da belə olur, hansı tələbə nəyi başa düşmürsə müəllimlər həmin mövzunu, tam aydın olana qədər öyrədirlər. Amma imtahan zamanı tamam başqa, yad bir müəllim olaraq, verdikləri biliyi tələb edirlər. Hər kəsə layiq olduğu qiyməti verirlər. Əslində belə də olmalıdır. Təhsildə güzəşt olmamalıdır.
Ulu Öndərimiz deyir: “Təhsil millətin gələcəyidir.”
Yenidən əvvəlki fikrimə qayıdaraq demək istəyirəm ki, mən imtahanların hamısını verdim, hamısından yüksək qiymət aldım. Üstəlik hər bir müəllimin tərifinə layiq görüldüm. Bu təriflər məni daha çox çalışmağa, daha yaxşı oxumağa həvəsləndirir. Zəhmətim də hədər getmir.
Universitetimizin rektoru hörmətli Vilayət müəllim fakultəmizin dekanı Fərqanə xanıma mənim haqqımda belə dedi:
"- Sizin çox isdedadlı tələbəniz var." - Daha sonra mənə baxaraq sözünə davam etdi: "- Qızım, mən çox sevinirəm ki, sənin kimi əlaçı, isdedadlı bir tələbə bizim universitetdə oxuyur. Bu həm mənim üçün, həm də Texniki universitet üçün çox qürurvericidir. Sənin kimi tələbəyə bizim hər zaman ehtiyacımız var."

Mən də söz verirəm ki, rektorumuzun və müəllimlərimizin mənə olan inamını doğrultmaq, yaxşı bir iqtisadçı olmaq üçün daha əzimlə çalışacağam!..

Dünya ƏHMƏDOVA,
AzTU-nun
"İqtisadiyyat və idarəetmə" fakültəsinin
tələbəsi

ZiM.Az

.