AzTU tələbələri üçün ustad dərsi keçirilib

AzTU tələbələri üçün ustad dərsi keçirilibAzərbaycan Respublikası Xüsusi Rabitə və İnformasiya Təhlükəsizliyi Dövlət Xidməti (XRİTDX) ilə Azərbaycan Texniki Universiteti (AzTU) arasında imzalanmış əməkdaşlıq memorandumunda nəzərdə tutulmuş tədbirlər çərçivəsində tələbələr üçün ustad dərsi keçirilib.

XRİTDX-nin şöbə müdiri Nadir Novruzov “Sızma testləri: Veb-saytlarda rast gəlinən boşluqlar” mövzusunda çıxış edib. Məruzəçi təmsil etdiyi qurumun kibertəhlükəsizlik sahəsində gündəlik fəaliyyəti haqqında qısa məlumat verib, veb-saytlara hücumların əsas siniflərini praktiki çalışmalar və sızma testləri şəklində nümayiş etdirib, onlara qarşı müdafiə tədbirlərini diqqətə çatdırıb.

Dərs zamanı bir sıra veb-saytlarda mövcud boşluqlar göstərilib və onların aradan qaldırılması üzrə tövsiyələr verilib.

Sonda tələbələrin sualları cavablandırılıb, uğurlu karyera qurmaq üçün məsləhətlər və təcrübə proqramları barədə məlumat verilib.

ZiM.Az


.
© Müəllif hüquqları qorunur. Məlumatdan istifadə etdikdə istinad mütləqdir.
Rəy yazın: