2019-cu il fevralın 25-də Gürcüstan Azərbaycanlıları Konqresinin (GAK) Marneuli şəhərindəki
mənzil qərargahında
Xocalı qətliamının
27-ci ildönümü ilə əlaqədar anım mərasimi keçirilib.
ZiM.Az xəbər verir ki,
tədbirdə Gürcüstan parlamentinin deputatları, ictimaiyyət nümayəndələri, ziyalılar iştirak ediblər.
Tədbiri giriş sözü ilə
GAK sədri Hüseyn Yusubov
açıq elan etdikdən sonra
Xocalı faciəsi qurbanlarının
xatirəsi bir dəqiqəlik sükutla
yad olunub.
Sonra Hüseyn Yusubov
Xocalı faciəsi barədə
ətraflı məlumat verib,
27 il əvvəl Azərbaycanın
Xocalı şəhərində
baş verənlərin
Cənubi Qafqazda
ən dəhşətli, misli
görünməmiş qətliam
olduğunu vurğulayıb.
Azərbaycanlıların
Mədəniyyət Mərkəzinin
sədri Fazıl Həsənov,
Gürcüstan Parlamentin
deputatı Ruslan Hacıyev,
tanınmış ictimai fəal
Leyla xanım Məmmədova,
Başkeçid (indiki Dmanisi)
rayon bələdiyyə məclisinin
üzvü və GAK-ın Orzuman ərazi vahidliyindəki təmsilçisi
Kamran Xıdırov,
GAK-ın Xocerni kəndindəki
təmsilçisi Hüseyn Əbdürrəhmanov, Qarayazı (indiki Qardabani) rayonunun Muğanlı kəndində yaşayan ziyalı Əli Nağıyev və başqaları tədbirdə
çıxış ediblər.
Çıxışlarda Xocalı faciəsinin ermənilər tərəfindən bir millətə qarşı törədilmiş soyqırımı olduğu bildirilib.
Qeyd olunub ki, bir gecədə bütöv bir şəhərin yerlə-yeksan edilməsi, 613 insanın, o cümlədən uşaq, qoca və qadınların qəddarlıqla qətlə yetirilməsi insanlığa qarşı törədilmiş ən ağır cinayətdir. Dünya ictimaiyyəti bu cinayətə münasibət bildirməli, erməni cəlladları və onların havadarları layiq olduqları cəzanı almalıdırlar.
Mərasimdə
Sevil Dəmirçiyevanın
rəhbərliyi ilə
Baydar məktəbinin
şagirdlərinin
Xocalı faciəsi ilə bağlı
hazırladıqları kompozisiya
təqdim olunub.
ZiM.AZ
.
© Müəllif hüquqları qorunur. Məlumatdan istifadə etdikdə istinad mütləqdir.
