Zakir Qaralov “Şöhrət” ordeni ilə təltif olunub - TƏBRİK EDİRİK!

Z.B.Qaralovun “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının hüquq-mühafizə orqanlarında uzunmüddətli səmərəli fəaliyyətinə görə Zakir Bəkir oğlu Qaralov “Şöhrət” ordeni ilə təltif edilsin.

İlham Əliyev
Azərbaycan Respublikasının Prezidenti
Bakı şəhəri, 13 yanvar 2016-cı il.

TƏBRİK EDİRİK!..

Azərbaycan Respublikasının Baş prokuroru, I dərəcəli dövlət ədliyyə müşaviri Zakir Qaralovu hüquq-mühafizə orqanlarında uzunmüddətli səmərəli fəaliyyətinə görə Azərbaycan Respublikası Prezidentinin Sərəncamı ilə "Şöhrət" ordeni ilə təltif olunması münasibətilə və eləcə də anadan olmasının 60 illik Yubileyi münasibətilə ürəkdən təbrik edir, ona uzun ömür, möhkəm cansağlığı, bundan sonra da şəxsi həyatında və eləcə də çətin və şərəfli dövlət və­zifəsində yeni-yeni uğular arzulayırıq!

Sabir YUSİFOV, Müşfiq BORÇALI.

ZAKİR BƏKİR OĞLU QARALOV

Azərbaycan Respublikasının
Baş prokuroru,
I dərəcəli dövlət ədliyyə müşaviri
(1956)

Zakir Bəkir Oğlu Qaralov
1956-cı il yanvarın 13-də
qə­dim Borçalı mahalının
Başkeçid rayonunda -
indiki Gür­cüstan Respublikasının
Dma­­nisi rayo­nundakı Ormeşən kən­dində, Ormeşən elinin fəxri
Bəkir Səməd oğlu Qaralovun ailə­sində anadan olmuşdur.
1979-cu ildə Bakı Dövlət Universitetinin hüquq fakül­tə­sini bitirdikdən sonra prokurorluq orqanlarına işə qəbul edil­mişdir.
1981-ci ilədək bakı şəhəri Səbail rayon prokurorunun kö­mək­çisi vəzifəsində çalışmışdır.
1981-2000-ci illərdə Baş Prokurorluğun ümumi nəzarət şö­bəsinin prokuroru, böyük prokuroru,
Bakı şəhəri Nəsimi ra­­yon prokurorunun müavini, Nəsimi rayon prokuroru,
Baş Proku­rorluğun Milli təhlükəsizlik orqanlarında istintaqa nə­zarət şöbə­sinin,
Ümumi nəzarət idarəsinin prokuroru və bö­yük prokuroru,
Bakı şəhəri Sabunçu rayon prokuroru,
Gəncə şəhər prokuroru vəzifələrində işləmişdir.
Zakir Bəkir Oğlu Qaralov 25 aprel 2000-ci il tarixdən Azərbaycan Respublikasının Baş prokurorudur.
I dərəcəli dövlət ədliyyə müşaviri ali xü­susi rüt­bəsindədir.
Beynəlxalq Prokurorlar Assosiasiya­sının üz­vü­dür.
26 dekabr 1995-ci ildə Azərbaycan Respublikası Pre­zidenti tərəfindən “İgidliyə görə” medalı ilə,
29 sentyabr 2006-cı ildə “Azərbaycan Bayrağı” ordeni ilə,
13 yanvar 2016-cı ildə isə "Şöhrət" ordeni ilə təltif edil­mişdir.
Ailəlidir, iki övladı var.

Nəhayət, Azərbaycan Respublikasının Baş prokuroru, I dərəcəli dövlət ədliyyə müşaviri Zakir Qaralovu
hüquq-mühafizə orqanlarında uzunmüddətli səmərəli fəaliyyətinə görə
Azərbaycan Respublikası Prezidentinin Sərəncamı ilə "Şöhrət" ordeni ilə təltif olunması münasibətilə
və eləcə də, anadan olmasının 60 illik Yubileyi münasibətilə bir daha ürəkdən təbrik edir,
ona uzun ömür, möhkəm cansağlığı, bundan sonra da şəxsi həyatında və eləcə də çətin və
şərəfli dövlət və­zifəsində yeni-yeni uğular arzulayırıq!

(Bax: Müşfiq BORÇALI. Sazlı-Sözlü Başkeçid. Bakı, "Borçalı", 2016, səh. 89-90)




.