"Günəşli" neft yatağında faciəli şəkildə
həlak olan və itkin düşən
soydaşlarımıza
Ağrısı, acısı az imiş kimi,
Yeni bir fəlakət, faciə gəldi.
Vətənin, millətin yanan köksünü
Bu ağır itkilər ox kimi dəldi,
Bu gün hamımızın göz yaşı seldi.
“Günəşli” çevrildi yasa, matəmə
Dirigözlü insanları od uddu.
Xalqım çox dözmüşdü dərdə, sitəmə,
İndi də dənizdə boğulub-batdı,
Bu itki dərdlərə yeni dərd qatdı.
Canını verdilər iş başındaca..,
Ulu xalqım, uca xalqım, mərd xalqım
Boğuldu yenidən göz yaşındaca,
Xəzər də ağlayır –dalğa sərt, xalqım,
Bu da bir imtahan, a comərd xalqım...
Gülxanım Rzazadə,
6 dekabr 2015.
.
© Müəllif hüquqları qorunur. Məlumatdan istifadə etdikdə istinad mütləqdir.
