Rəqəmsal İnkişaf və Nəqliyyat Nazirliyinin tabeliyində fəaliyyət göstərən “Hərbiləşdirilmiş Mühafizə İdarəsi” MMC-nin 44 günlük Vətən müharibəsində şəhid olmuş əməkdaşı Elnur Qarayevin ailəsinə Azərbaycan Respublikası Prezidenti cənab İlham Əliyevin Sərəncamı ilə birotaqlı mənzil verilib. Nəqliyyat, Rabitə və Yüksək Texnologiya İşçiləri Həmkarlar İttifaqı mənzili məişət texnikası və avadanlıqları, “Təşəkkür” Fondu isə mətbəx mebeli ilə təmin edib.
İyunun 23-də mənzilin təmirdən sonrakı açılış mərasimində nazirin müşaviri və nazirliyin İnsan resurslarının idarə edilməsi şöbəsinin müdiri Fidan Fərzəliyeva, “Hərbiləşdirilmiş Mühafizə İdarəsi” MMC-nin direktoru Ənvər Yusifov, Nəqliyyat, Rabitə və Yüksək Texnologiya İşçiləri Həmkarlar İttifaqı Respublika Komitəsinin sədri Rəşad Səfərov, “Zəfər” Şəhid Ailələrinə Dəstək İctimai Birliyinin sədri Sevinc Orucova iştirak ediblər.
Allah bütün şəhidlərimizə rəhmət etsin!
ZiM.Az
.
© Müəllif hüquqları qorunur. Məlumatdan istifadə etdikdə istinad mütləqdir.
