"Payız məktubları"-nın təqdimatı keçirilib

TƏBRİK EDİRİK!..

2017-ci il Yanvarın 12-də Bakıda Azərbaycan Yazıçılar Birliyinin
Natəvan klubunda Azərbaycan
Yazıçılar Birliyinin (AYB) və
Azərbaycan Jurnalistlər
Birliyinin (AJB) üzvü,
Prezident mükafatçısı,
tanınmış şair-jurnalist
Balayar Sadiqin
"Payız məktubları" adlı
yeni şeir kitabının
təqdimatı keçirilib.

ZiM.Az xəbər verir ki,
tədbiri giriş sözü ilə
Azərbaycan Yazıçılar
Birliyinin birinci katibi,
Azərbaycanın xalq şairi,
Əməkdar İncəsənət
Xadimi Fikrət Qoca açıb.

Sonra Azərbaycan
Yazıçılar Birliyinin
İdarə heyətinin üzvü,
şair Qəşəm Nəcəfzadə
qələm dostu
Balayar Sadiqin
həyat və yaradıcılığı
haqqında geniş
nitq söyləyib.

Daha sonra
Balayar Sadiq işığına
yığışan dostları şairin
yaradıcılığından, dostluğundan,
xeyirxahlığından və
bir sıra başqa müsbət
insani keyfiyyətlərindən
söhbət açıblar.

Tanınmış şair-jurnalist,
"Xalq Cəbhəsi"
qəzetinin baş redaktoru,
Elçin Mirzəbəyli çıxış edib.

"Qızıl Qələm" mükafatı
laureatı, aqsaqqal şair
Oqtay Rza Balayar Sadiqə
öz ürək sözlərini söyləyib
və ona həsr etdiyi
“Dost dostu yolda tanıyar...”
şeirini oxuyub.

"Qafqazmedia" İB-nin sədri,
tanınmış şair-jurnalist
xeyriyyəçi Hacı-xanım
Azadə-Taleh Abbasqızı
Balayar Sadiqə
“Cəsarətli qələm” mükafatı
təqdim edib.

Tanınmış tənqidçi
Vaqif Yusifli Balayar Sadiqin sonet yaradıcılığını yüksək qiymətləndirib.

Daha sonra yazıçı
Səxavət Talıblı,
Yusif Nəğməkar
və başqaları çıxış edib.

Məclisdə iştirak edən aşıq
ifa etdiyi “Ruhani” ilə
məclisə xüsusi bir ruh,
xoş bir ovqat qatıb.

Bir sözlə, AYB İdarə heyətinin üzvü, şair
Qəşəm Nəcəfzadənin
idarə etdiyi məclis
böyük təntənə ilə
başa çatıb.

Biz də, ZiM.Az-ın bütün Yaradıcı Heyəti adından istedadlı qələm dostumuz,
tanınmış şair-jurnalist,
AYB və AJB-nin üzvü,
Prezident mükafatçısı,
Beynəlxalq Rəsul Rza
ədəbi mükafatının
laureatı,
"Ədəbi azadlıq"
Milli Müsabiqəsinin qalibi,
çox hörmətli
Balayar Sadiqi
"Payız məktubları" adlı
yeni kitabının
işıqüzü görməsi və
həmin kitabın
yüksək səviyyədə
təqdimatının keçirilməsi münasibətilə
ürəkdən təbrik edir,
ona uzun ömür,
möhkəm cansağlığı
və yeni-yeni yaradıcılıq
uğurları arzulayırıq!..


Müşfiq BORÇALI,
Sona ABBASƏLİQIZI,
ZiM.Az




.