ALİMLƏRİMİZİ TANIYAQ VƏ TANIDAQ!..Ziyəddin Qurbanov - 80
Ziyəddin Qara oğlu Qurbanov -1938-ci il
oktyabrın 3-də qədim Borçalı mahalının
Başkeçid (indiki Gürcüstanın Dmanisi) rayonundakı
Lök-Candar kəndində dünyaya göz açıb.
Səkkizillik məktəbi öz kəndlərində, orta məktəbi isə Hamamlı kəndində bitirib.
Bir il kolxozda işləyib.
1959-cu ildə indiki Bakı Dövlət Universitetinin filologiya fakültəsinə daxil olub və 1964-cü ildə oranı müvəffəqiyyətlə bitirib.
1964-cü ilin sentyabrından 1966-cı ilin noyabr ayına qədər Goranboy rayonunun Borsunlu kənd orta məktəbində müəllim işləyib.
1966-cı ilin noyabrından 1968-ci ilə qədər Gəncə Dövlət Pedaqoji İnstitutunun istehsal təcrübəsinin rəhbəri vəzifəsində çalışıb.
1968-ci ilin sentyabrından institutun (indiki Gəncə Dövlət Universitetinin) Azərbaycan dili kafedrasında müəllim, baş müəllim işləyib.
1972-ci ildə “XVII əsr Azərbaycan ədəbi dilinin leksikası” mövzusunda namizədlik dissertasiyasını müdafiə edib filologiya elmləri namizədi elmi dərəcəsi almışdır. 1984-cü ildə GDU-nun Azərbaycan dili kafedranın dosenti seçilib.
1997-ci ildə “XVII əsr Azərbaycan ədəbi dili” mövzusunda doktorluq işini tamamlayıb müzakirəyə təqdim etmişdir.
“XVII əsr Azərbaycan ədəbi dili və üslubu” (1995), “Azərbaycan ədəbi dilinin XVII əsr mərhələsi“ (1997) kitablarının və “Yazılı abidələrin dilində fonetik, leksik və qrammatik fərqlər” adlı dərsliyin, 29 jurnal, onlarca qəzet məqaləsinin müəllifidir.
(Bax: Müşfiq BORÇALI. "Sazlı-Sözlü Başkeçid", I cild, Bakı, 2015, səh. 123).
ZiM.Az
.
Muəllif huquqları qorunur. Məlumatdan istifadə etdikdə istinad mutləqdir.
